Онлайн шақыру

Онлайн шақыру қалай жасалады

Жарияланған күні:

Онлайн шақыру — телефонда ашылатын шақыру парақшасы. Онда тойдың мәтіні, күні, мекенжайы мен картасы, қаласаңыз суреттер мен әуен болады, ал қонақтар сол жерде келетін-келмейтінін белгілейді. Төменде оны біздің сервисте қалай жасайтынын қадам-қадаммен түсіндіреміз.

Онлайн шақырудың қағаздан айырмасы

Қағаз шақыру әдемі, бірақ оны басып шығаруға, таратуға уақыт кетеді, ал басылған мәтінді өзгерту мүмкін емес. Онлайн шақыруды бір сілтемемен жүздеген қонаққа бір мезгілде жібересіз. Мейрамхана не уақыт ауысса, мәтінді түзетесіз — қонақтардағы сілтеме сол күйінде қалады.

  • Қонақ жолды картадан бірден табады.
  • Жауап беру бір батырмамен: келемін, келе алмаймын, қанша адаммен келемін.
  • Кім келетіні мен қанша адам болатыны сіздің жеке парақшаңызда көрінеді.
  • Қағаз шақыруды қаласаңыз, оған QR-кодты басып шығаруға болады.

Қағаз шақырудан мүлде бас тарту міндетті емес. Көп отбасы екеуін қатар пайдаланады: ата-әжелер мен құрметті қонақтарға қолмен табыс етілетін әдемі қағаз шақыру, ал қалған қонақтарға — сілтеме. Қағазға QR-код басылса, екеуі бір-бірін толықтырады: мекенжай мен карта, жауап беру батырмасы бәрібір телефонда ашылады.

1-қадам. Дизайнды таңдаңыз

Алдымен тойдың түрін белгілеңіз: үйлену тойы, қыз ұзату, сырға салу, құдалық, мерейтой, туған күн. Үлгілер каталогында әр дизайнды телефон экранында көресіз — қонақтарға ол дәл солай ашылады. Ұнағанын ашып, «Осы дизайнмен жасау» батырмасын басыңыз.

Бұл кезеңде тіркелу керек емес: жобаңыз сақталып тұрады, оған кейін оралуға болады.

2-қадам. Мәліметтерді жазыңыз

Есімдерді, тойдың күні мен уақытын, мейрамхананың атауы мен мекенжайын жазасыз. Шақыру мәтіні таңдаған той түріне қарай қазақша немесе орысша дайын тұрады: есімдер мәтінге дұрыс жалғаумен қойылады. Мәтінді өз сөзіңізбен өзгертуге болады.

Өз мәтініңізді жазғыңыз келсе, той шақыру мәтіндерінің 20 үлгісін қараңыз. Қажет болса, суреттерді, той бағдарламасын және әуенді қосасыз. Әуен өздігінен ойнамайды: қонақ батырманы басқанда ғана қосылады.

Әдетте бұған 5 минуттай уақыт кетеді. Ең көп уақытты суреттерді таңдау алады, сондықтан оларды алдын ала бір қалтаға жинап қойған ыңғайлы.

3-қадам. Алдын ала қараңыз

Жариялау алдында шақыруды қонақтың көзімен қараңыз. Тексеретін нәрселер:

  • есімдер мен жалғаулар дұрыс жазылған ба;
  • күні мен апта күні сәйкес келе ме;
  • мекенжай мен карта бір жерді көрсете ме;
  • жауап беру мерзімі тойдан кемінде бір апта бұрын ба.

4-қадам. Жариялаңыз

Шақыру дайын болғанда, телефон нөміріңізді жазып, SMS-кодпен растайсыз — тіркелу осымен бітеді. Төлем бір рет, жариялаған кезде жасалады: бір шақыру 4 500 ₸-ден. Жобаны жасау мен алдын ала қарау тегін. Жариялағаннан кейін түзету де тегін, ал шақыру той өткеннен кейін 12 ай бойы онлайн тұрады.

5-қадам. Сілтемені жіберіңіз

Дайын сілтемені WhatsApp немесе Telegram арқылы жібересіз: жеке хабарламамен де, отбасылық топқа да. Үлкен кісілерге сілтеме жіберген соң, телефон шалып, өзіңіз шақырған жөн — бұл ізеттің белгісі. Қағаз шақыру басатын болсаңыз, оған QR-кодты қосыңыз: қонақ телефонымен сканерлеп, шақыруды ашады.

6-қадам. Жауаптарды бақылаңыз

Жеке парақшаңызда кім келетіні, кім келе алмайтыны және жалпы қанша адам болатыны көрінеді. Тізімді файл етіп жүктеп алып, мейрамханаға беруге болады. Telegram хабарламасын қоссаңыз, жаңа жауап келген сайын хабар аласыз: оған тек жауаптар саны жіберіледі, қонақтардың есімі мен тілегі жіберілмейді.

Шақырулар мен қонақтардың жауаптары Қазақстандағы серверлерде сақталады, оларды тек сіз көресіз. Тойға дейінгі соңғы күндері тізімді бір қарап шығып, жауап бермегендерге өзіңіз хабарлассаңыз, орын санын дәл білесіз.

Қандай дизайн таңдаған дұрыс

Дизайнды тойдың өзіне қарай таңдаңыз. Үйлену тойы мен қыз ұзатуға ақшыл, нәзік түстер мен әдемі жазу қаріптері жарасады. Мерейтойға салмақтырақ, сабырлы түстер лайық, ал туған күнге жеңілірек, жарқын дизайн таңдауға болады. Әдемі суреттеріңіз болса, суретке арналған дизайндарды қараңыз: олар бетті ашқан бойда қонақтың назарын аударады.

Біздің әр дизайнымызда қазақ әріптері — Ә, Ғ, Қ, Ң, Ө, Ұ, Ү, Һ, І — дұрыс көрсетіледі. Әдемі қаріп таңдап, кейін әріптердің орнында шаршы белгілер шыққанын көретін жағдай болмайды.

Көп сұралатын жайттар

  • Жариялағаннан кейін мәтінді өзгертуге бола ма? Иә, кез келген уақытта. Қонақтардағы сілтеме өзгермейді.
  • Қонақтар бір нәрсе орнатуы керек пе? Жоқ. Шақыру телефондағы кәдімгі браузерде ашылады.
  • Шақыру қанша уақыт ашық тұрады? Той өткеннен кейін 12 ай бойы. Бұл уақытта қонақтар суреттерді қайта қарай алады.
  • Жауапты кім көреді? Тек сіз. Біз қонақтардың жауабын ешкімге бермейміз.
  • Өзім үлгермесем ше? Мәліметтерді WhatsApp арқылы жіберсеңіз, шақыруды біз жинап береміз — бағасы өзгермейді.

Бірнеше кеңес

  • Шақыруды тойдан 3–4 апта бұрын жіберіңіз, ал жауап беру мерзімін тойдан 10–14 күн бұрынға қойыңыз.
  • Бір тойға екі тілде шақыру керек болса, қазақша және орысша екі нұсқа жасауға болады.
  • Құдаларға шақыруды жеке жіберіңіз. Бұл туралы толығырақ қыз ұзатуға шақыру мәтіні мақаласында жаздық.
  • Тойға бір апта қалғанда жауап бермегендерге қысқа еске салу жазыңыз.
  • Той күні мейрамхананың кіреберісіне QR-код қойыңыз: кешігіп келген қонақ та бағдарламаны көріп, суреттерді кейін қайта аша алады.

Той түрі бойынша мәтін мен дизайн іздесеңіз, үйлену тойына шақыру, қыз ұзатуға шақыру және туған күнге шақыру беттерін ашыңыз. Тойыңыз құтты болсын!

Шақыруды қазір бастаңыз

Тіркелу керек емес: телефон нөмірі тек жариялағанда сұралады. Төлем бір рет, жариялау кезінде.

Шақыру жасау

Шақыру жасау

Басқа мақалалар